សេចក្ដីប្រកាសជាសកល នៃ អ. ស. ប. ស្ដីអំពីសិទ្ធិជនជាតិដើម (UNDRIP)

ព័ត៌មានថ្មីៗពី វិទ្យុ សំឡេងកម្ពុជាក្រោម (VOICE OF KAMPUCHEA-KROM)

Wednesday, July 29, 2015

វិទ្យុសំឡេងកម្ពុជាក្រោម កម្មវិធីផ្សាយថ្ងៃទី ២៩ ខែកក្កដា ឆ្នាំ ២០១៥

លោក ​ទៀ ​បាញ់ ​បញ្ជាក់​ពី​ការ​ត្រៀម​ទប់​បដិវត្តន៍​ពណ៌

លោក​ ទៀ បាញ់ រដ្ឋមន្ត្រី​ការពារ​ជាតិ​បាន​ថ្លែង​កាលពី​ថ្ងៃ​អង្គារ​ថា​កងកម្លាំង​ប្រដាប់​អាវុធ​បាន​ត្រៀម​ខ្លួន​ជា​ស្រេច​ដើម្បី​បំបែក​ការ​ប្រមូល​ផ្តុំ​ដែល​​អាច​ចាត់ទុក​ថា​ជា​បដិវត្តន៍​ពណ៌​មាន​បំណង​ផ្តួល​រំលំ​រដ្ឋាភិបាល​ស្រប​ច្បាប់ ​។

ថ្លែង​ក្នុង​ពិធី​បិទ​វគ្គ​បណ្តុះបណ្តាល​ច្ចេកទេស​សម្រាប់​យោធា​នៅ​​មូលដ្ឋាន​យោធា​​​ខេត្ត ​កំពង់ស្ពឺ​ លោក ទៀ បាញ់​បាន​លើក​ឡើង​ថា ​ស្ថានការណ៍​នយោបាយ​ក្នុង​ប្រទេស​កម្ពុជា​វិវត្ត និង​ដើរ​ទៅ​មុខ​យ៉ាង​ឆាប់​រហ័ស​ហើយ​បើ​សិន​កងកម្លាំង​ប្រដាប់​អាវុធ​មិន​យល់​ដឹង​ពី​ការ​ពិត​ឲ្យ​បាន​ច្បាស់លាស់​ព្រោះ​អ្នក​ទាំងឡាយ​ដែល​បាន​រៀបចំ​​យ៉ាង​សកម្ម​សម្រាប់​ក្រុម​បដិវត្ដន៍​ពណ៌​គឺ​ស្ថិត​នៅ​ជុំវិញ។
លោក​បាន​​ពន្យល់​ពី​អ្វី​ដែល​​គេ​ហៅថា​បដិវត្តន៍​ពណ៌​ដោយ​ថ្លែង​ថា​ជោគជ័យ​នៃ​បដិវត្តន៍​ពណ៌​គឺ​ប្រមូល​ និង​ទទួល​បាន​អំណាច​​ពី​ប្រជាជន​ដែល​អាច​ផ្តួល​រដ្ឋាភិបាល​ទាំង​អហិង្សា ។
លោក​ទៀបាញ់ ក៏​បាន​ថ្លែង​ពី​ការ​តវ៉ា​ដែល​កំពុង​បន្ត​ប្រឆាំង​នឹង​ច្បាប់​ស្តី​ពី​សមាគម​ និង​អង្គការ​មិនមែន​រដ្ឋាភិបាល​ដោយ​សង្គម​ស៊ីវិល​នៅ​រដ្ឋសភា​ និង​ព្រឹទ្ធសភា​ហើយ​និង​ដំណើរ​​ថ្មីៗ​នេះ​របស់​តំណាង​រាស្រ្ត​បក្ស​ប្រឆាំង​ដែល​ប្រមូល​ប្រជាជន​ទៅ​ពិនិត្យ​ព្រំដែន ។
លោក​បាន​ថ្លែង​ថា៖ «ប្រសិន​បើ​ពួកគេ​មិន​អាច​ទទួល​បាន​អ្វី​ដែល​ជា​ប្រយោជន៍​ចំពោះ​ពួកគេ​ ពួកគេ​អះអាង​ថា​វា​មិនមែន​ជា​ប្រជាធិបតេយ្យ​។ បើ​យើង​មិន​អាច​​គ្រប់គ្រង​លើ​លទិ្ធប្រជាធិបតេយ្យ​បាន​វា​នឹង​ក្លាយ​ជា​អនាធិបតេយ្យ​ដែល​យើង​មិន​អាច​គ្រប់គ្រង​បាន​ទេ​» ។
លោក​បាន​បន្ថែម​ថា៖ «នឹង​គ្មាន​បដិវត្តន៍​ពណ៌​ក្នុង​ប្រទេស​របស់​យើង​​ទេ​។ ការ​ប៉ុនប៉ង​របស់​ពួកគេ​ដើម្បី​បង្កើត​បដិវត្តន៍​ពណ៌​គឺ​មិន​​ទាន់​ចប់​ទេ... ពួកគេ​កំពុង​បន្ត​ធ្វើឲ្យ​សង្គម​ស្ថិត​ក្នុង​ភាព​ចលាចល​» ។
លោក អ៊ុំ សំអាន តំណាងរាស្រ្ត​គណបក្ស​សង្គ្រោះជាតិ​ថ្លែង​ថា​ក្នុង​​ប្រទេស​ប្រជាធិបតេយ្យ​ប្រជាពលរដ្ឋ​​មាន​សិទ្ធិ​ក្នុង​ការ​សម្តែង​នូវ​ការ​ព្រួយបារម្ភ​របស់​ពួកគេ​លើ​បញ្ហា​ណា​មួយ​ហើយ​កងកម្លាំង​ប្រដាប់​អាវុធ​ត្រូវ​មាន​អព្យាក្រឹត​ក្នុង​ការ​ការពារ​សុវត្ថិភាព​ និង​សន្តិសុខ​របស់​ប្រជាពលរដ្ឋ​មិនមែន​បុគ្គល​ណា​ម្នាក់ ឬ​គណបក្ស​នយោបាយ​ណា​មួយ​ទេ ។
លោក​បាន​បន្ត​ថា៖ «ប្រជាពលរដ្ឋ​តែងតែ​តវ៉ា​ដោយ​សន្តិវិធី​ដោយ​គ្មាន​អំពើ​ហិង្សា។ មិន​មាន​បដិវត្តន៍​ពណ៌​ទេ។ ខ្ញុំ​គិត​ថា​ពួកគេ​ភ័យ​ខ្លាច​ស្រមោល​​របស់​ខ្លួន» ។
លោក អំ សំអាត មន្រ្តី​បច្ចេកទេស​ជាន់ខ្ពស់​នៃ​​អង្គការ​លីកាដូ​បាន​ថ្លែង​ថា​បើ​កម្លាំង​ប្រដាប់​អាវុធ​ហាម​ពលរដ្ឋ​មិន​ឲ្យ​ប្រមូល​ផ្តុំ​គ្នា​វា​នឹង​ប៉ះពាល់​សិទិ្ធ​យ៉ាង​ធ្ងន់ធ្ងរ។ បាតុកម្ម​ដោយ​សន្តិវិធី​ត្រូវ​បាន​ធានា​ដោយ​រដ្ឋធម្មនុញ្ញ ។
លោក​បន្ត​ថា ​ក្រុម​អ្នក​សង្គម​ស៊ីវិល​តវ៉ា​ប្រឆាំង​នឹង​ច្បាប់​ស្តីពី​សមាគម និង​អង្គការ​ក្រៅ​រដ្ឋាភិបាល​ព្រោះ​ពួកគេ​ចាត់ទុក​ថា​នៅពេល​ច្បាប់​នេះ​ត្រូវ​បាន​អនុម័ត​វា​នឹង​រឹតបន្តឹង​​សេរីភាព​របស់​​សមាគម​ និង​អង្គការ​ក្រៅ​រដ្ឋាភិបាល​ហើយ​ពួកគេ​គិត​ថា​វា​មិនមែន​​ជា​ស្តង់ដារ​ទេ​ដូច្នេះ​ពួកគេ​​ធ្វើការ​តវ៉ា​ប៉ុន្តែ​ដោយ​សន្តិភាព ។​
លោក​បញ្ជាក់​ថា​៖ «វា​មិនមែន​ជា​បដិវត្តន៍​ទេ​» ៕

ពិធីប្រោះព្រំសុគន្ធវារីតែងតាំងព្រះចៅអធិការ និងសង្ឃាធិបតីវត្ត នៃវត្តកម្ពុជាក្រោម

ពិធីស្រោចសុគន្ធវារីតែងតាំងព្រះចៅអធិការនិងសង្ឃាធិបតីវត្ត នៅវត្តកម្ពុជាក្រោម ទីក្រុងឡងបិច

វិទ្យុសំឡេងកម្ពុជាក្រោម កម្មវិធីផ្សាយថ្ងៃទី ២៨ ខែកក្កដា ឆ្នាំ ២០១៥

 ព័ត៌មានកម្ពុជាក្រោម រួមមាន៖ 

-សេចក្ដីរាយការណ៍ពីស្ដារស្ដីពី "ពិធីស្រោចសុគន្ធវារីតែងតាំងព្រះចៅអធិការនិងសង្ឃាធិបតីវត្ត នៅវត្តកម្ពុជាក្រោមទីក្រុងឡងបិច ។

-ជីវប្រវត្តិ ភិក្ខុ នាថសីលោ ត្រឹង ថាច់ យុង ព្រះចៅអធិការ ទី ១ នៃវត្តកម្ពុជាក្រោម ទីក្រុងឡងបិច រដ្ឋ កាលីហ្វរញ៉ា ។

-ព័ត៌មានស្រុកខ្មែរ និង ព័ត៌មានអន្តរជាតិ ៖

អត្ថបទស្រេាវជ្រាវ៖
-បច្ចេកវិទ្យាអស្ចារ្យហួសពីការស្មានទាំង១០ នឹងចូលមកផ្លាស់ប្ដូរពិភពលោកយ៉ាងខ្លាំងក្នុងឆ្នាំ ២០២២ ។

www.vokk.net
 

Tuesday, July 28, 2015

ថៃ​សាង​ស្រេច​រូប​សំណាក​បុព្វ​មហា​ក្សត្រិយ៍​ទាំង ​៧ ​អង្គ

នានា​​ប្រទេស​៖ ក្រុង​ស្យាម – ព្រះ​បរម​រូប​​បុព្វ​មហា​ក្សត្រិយ៍​ទាំង​៧​អង្គ​សម្រាប់​គ្រោង​ការណ៍​ «​ឧទ្យាន​រាជ​ភ័ក្ដិ​» (​ថៃ​៖ อุทยานราชภักดิ์)​ ដែល​ផ្ដួច​ផ្ដើម​ដោយ​ក្រសួង​ការពារ​ជាតិ​ថៃ​នោះ ត្រូវ​បាន​ក្រុម​ជាង​ជំនាញ​ៗ​របស់​ថៃ​សាង​រួច​ស្រេច​ហើយ​។ រូប​សំណាក​ទាំង​៧​អង្គ​ក៏​ត្រូវ​បាន​ដឹក​ជញ្ជូន​តាម​រថ​យន្ត​ពី​បណ្ដា​ខេត្ត​នានា​​ដែល​ចាត់​សាង មក​កាន់​​បរិវេណ​ផ្ទៃ​ដី​របស់​កង​ទ័ព​ជើង​គោក​ថៃ ដែល​ស្ថិត​នៅ​តំបន់​ហួហ៊ីន ខេត្ត​ប្រចួបគីរីខន្ធ ដែល​ជា​ទី​តម្កល់​រូប​សំណាក​ រួច​ស្រេច​ផង​ដែរ មក​ដល់​ថ្ងៃ​ចន្ទ ទី ​២៧ ខែ​កក្កដា ឆ្នាំ​ ២០១៥ ​នេះ​​ ដើម្បី​ធ្វើ​ពិធី​ដំឡើង និង​រៀប​ចំ​សួន ​។
គ្រោង​ការណ៍​ «​ឧទ្យាន​រាជ​ភ័ក្ដិ​» គឺ​ជា​គម្រោង​ដ៏​ធំ​មួយ​ត្រូវ​បាន​ធ្វើ​ពិធី​បួង​សួង​កាល​ពី​ខែ​ឧសភា ឆ្នាំ​២០១៥ កន្លង​មក​នេះ ដើម្បី​សាង​រាជា​នុស្សាវរីយ៍​បុព្វ​ក្សត្រិយ៍​ថៃ សំខាន់​ៗ​ចំនួន​៧​ព្រះ​អង្គ​ ក្នុង​ន័យ​​រំឭក​ដល់​បុព្វ​មហា​ក្សត្រិយ៍​​ដែល​ជា​ទី​សក្ការ​​បំផុត​របស់​ប្រជា​រាស្ត្រ​ថៃ ​។
សម្រាប់​ការ​សាង​សង់​ «​ឧទ្យាន​រាជ​ភ័ក្ដិ​» នេះ ព្រះ​បរម​រូប​​បុព្វ​មហា​ក្សត្រិយ៍​របស់​ថៃ ចំនួន​៧​ព្រះ​អង្គ នឹង​ត្រូវ​សាង​សង់​ឡើង​យ៉ាង​ធំ ដោយ​ក្នុង​នោះ​មាន៖
  1. ព្រះ​ចៅ​រាម​កំហែង (​សម័យ​ក្រុង​សុខោទ័យ​)​,
  2. សម្ដេច​ព្រះ​នរេឝួរ​មហា​រាជ​ (សម័យ​ក្រុង​ស្រី​អយុធ្យា​),
  3. សម្ដេច​ព្រះ​នារាយណ៍​មហា​រាជ​ (សម័យ​ក្រុង​ស្រី​អយុធ្យា​),
  4. សម្ដេច​ព្រះ​ចៅ​តាកសិន​មហា​រាជ (​សម័យ​ក្រុង​ធន​បុរី​),
  5. ព្រះ​បាទ​សម្ដេច​ព្រះ​ពុទ្ធ​យ៉ត​ហ្វា​ចុឡា​លោក​មហា​រាជ (​រាមា​ទី​១​) (​សម័យ​ក្រុង​រតន​កោសិន្ទ្រ​)​,
  6. ព្រះ​បាទ​សម្ដេច​ព្រះ​ចម​ក្លៅ​ចៅ​យូហួ (​រាមា​ទី​៤​) (​សម័យ​ក្រុង​រតន​កោសិន្ទ្រ​) និង
  7. ព្រះ​បាទ​សម្ដេច​ព្រះ​ចុលចម​ក្លៅ​ចៅ​យូហួ (​រាមា​ទី​៥​)​ (​សម័យ​ក្រុង​រតន​កោសិន្ទ្រ​) ៕
ការ​ដឹក​ជញ្ជូន​រូប​សំណាក​ពី​កន្លែង​ផលិត​មក​កាន់​ឧទ្យាន​រាជ​ភ័ក្ដិ
ការ​ដំឡើង​រូប​សំណាក​ស្ដេច​ថៃ​ទាំង​៧​អង្គ
ការ​ដំឡើង​រូប​សំណាក​ស្ដេច​ថៃ​ទាំង​៧​អង្គ
ការ​ដំឡើង​រូប​សំណាក​ស្ដេច​ថៃ​ទាំង​៧​អង្គ
ទម្រ​បាត​ដែល​នឹង​ត្រូវ​តម្កល់​រូប​សំណាក​ទាំង​៧​អង្គ
ព្រះ​បរម​រូប​ទាំង​៧​អង្គ​ត្រូវ​បាន​ដំឡើង​រួច​ស្រេច​ស្ថាពរ

សុន្ទកថា របស់ លោក សឺង សម្រេច

លោក សឺង សម្រេច អតីតប្រធាននាយកដ្ឋានព័ត៌មាន នៃសហព័ន្ធខ្មែរកម្ពុជាក្រោម មាន
ប្រសាសន៍ នៅក្នុងពិធី ស្រោចសុគន្ធវារី តែងតាំងភិក្ខុ នាថសីលោ ត្រឹង ថាច់ យុង ជាព្រះ
ចៅអធិការវត្ត កម្ពុជាក្រោម នាទីក្រុង ឡងបិច រដ្ឋ កាលីហ្វរញ៉ា ថ្ងៃទី ២៦ ខែកក្កដា ឆ្នាំ ២០១៥ ។

សុន្ទកថា របស់ លោក សឺង សម្រេច
លោក សឺង សម្រេច អតីតប្រធាននាយកដ្ឋានព័ត៌មាន នៃសហព័ន្ធខ្មែរកម្ពុជាក្រោម មានប្រសាសន៍ នៅក្នុងពិធីស្រោចសុគន្ធវារី តែងតាំងភិក្ខុ នាថសីលោ ត្រឹង ថាច់ យុង ជាព្រះចៅអធិការវត្ត កម្ពុជាក្រោម នាទីក្រុង ឡងបិច រដ្ឋ កាលីហ្វរញ៉ា ថ្ងៃទី ២៦ ខែកក្កដា ឆ្នាំ ២០១៥ ។
Posted by Preichea-Koeun Thach on Monday, July 27, 2015

លោក ប្រាក់ សេរីវុឌ្ឍ ថ្លែងអំពីឈ្មោះវត្តកម្ពុជាក្រោម និងអំពីសហព័ន្ធខ្មែរកម្ពុជាក្រោម (ភាគ ១)

លោក ប្រាក់ សេរីវុឌ្ឍ អនុប្រធានទី ១ នៃសហព័ន្ធខ្មែរកម្ពុជាក្រោម ថ្លែងអំពីឈ្មោះ វត្តកម្ពុជាក្រោម
និងអំពីសហព័ន្ធខ្មែរកម្ពុជាក្រោម នៅក្នុងពិធីស្រោច សុគន្ធវារី តែងតាំងភិក្ខុ នាថសីលោ ត្រឹង ថាច់
យុង ជាព្រះចៅអធិការវត្ត កម្ពុជាក្រោម នាទីក្រុង ឡងបិច រដ្ឋ កាលីហ្វរញ៉ា ថ្ងៃទី ២៦ ខែកក្កដា ឆ្នាំ
២០១៥ ។

លោក ប្រាក់ សេរីវុឌ្ឍ ថ្លែងអំពីឈ្មោះវត្តកម្ពុជាក្រោម (ភាគ ១)
លោក ប្រាក់ សេរីវុឌ្ឍ ថ្លែងអំពីឈ្មោះវត្តកម្ពុជាក្រោម នៅក្នុងពិធីស្រោចសុគន្ធវារី តែងតាំងភិក្ខុ នាថសីលោត្រឹង ថាច់ យុង ជាព្រះចៅអធិការវត្តកម្ពុជាក្រោម នាទីក្រុង ឡងបិច រដ្ឋ កាលីហ្វរញ៉ា ថ្ងៃទី ២៦ ខែកក្កដា ឆ្នាំ ២០១៥ ។
Posted by Preichea-Koeun Thach on Monday, July 27, 2015